Қазақстандық ұлттық деректер орталығының

Басты бетЖаңалықтарОрталық жаңалықтары

Норвегиядан делегацияның ҚҰДО -на сапары

2023 жылғы 22 мамырда Норвегия Корольдігінің Елшісі және норвегиялық сейсмологиялық орталық (NORSAR) делегациясының Қазақстан Республикасының Ұлттық ядролық орталығына сапары аясында Алматы қаласындағы ҚР ҰЯО ГЗИ қазақстандық ұлттық деректер орталығына барды. НОРСАР делегациясының құрамына: Анне Строммен Лике – НОРСАР директоры, Арве Миельва – директордың орынбасары, Волкер Ойе – қолданбалы сейсмология бөлімінің бастығы, Бен Дандо – СТВТ орындалуын бақылау жұмыстарының жетекшісі, Джон Магнус Христенсен – Норвегияның ұлттық деректер орталығының жетекшісі кірді.

ҚҰДО мен НОРСАР 2001 жылы басталған көпжылдық ынтымақтастықты байланыстырады. НОРСАР-мен кооперацияда жер сілкінісі мен ядролық сынақтардың сейсмикалық мониторингіне қатысты бірқатар ғылыми жобалар жүзеге асырылды , 2010 жылы Норвегия СІМ- мен НОРСАР орталығының қолдауымен Орталық Азия елдерінің ұлттық орталықтарының сейсмолог-мамандарын оқыту үшін ЯСЖТШ-ны қолдайтын халықаралық оқу орталығы құрылды және табысты жұмыс істеді.

ҚҰДО -да қонақтарды ҚР ҰЯО бас директоры Э.Ғ. Батырбеков, ҚР ҰЯО бас директорының орынбасары С.А. Березин, ҚҰДО директоры Н.Н. Михайлова қарсы алып, Деректер орталығына экскурсия жүргізді, ҚР ҰЯО сейсмикалық және инфрақызыл станцияларынан келіп түсетін деректерді жинау және өңдеу процесімен, халықаралық орталықтармен деректер алмасу қызметін жүргізумен таныстырды. Қонақтар ядролық жарылыстар туралы жазбалары бар тарихи сейсмограммалар мұрағатына барды. Н.Н. Михайлова 20 жылдан астам уақыт ішінде екі орталықтың бірлескен жұмыстары мен ынтымақтастық нәтижелері бойынша презентация жасады.

Әрі қарай Норвегиядан келген қонақтар Норвегия Корольдігінің Орталық Азия елдеріндегі елшісі Джон Микал Квистад мырзамен бірге Курчатов қаласына бет алды. Олар бұрынғы Семей полигоны - пилоттық Полигон, «Байкал-1» КЗР, зертханалар, қазақстандық материалтану КТМ токамак стендтік кешені, Курчатов-Крест халықаралық мониторинг жүйесінің сейсмикалық тобын аралады.

«Еуразиядағы сейсмикалық калибрлеу эксперименттері – өткені, бүгінгісі және келешегі» семинары, Алматы, 28-29 наурыз 2023 жыл.

2023 жылғы 28 және 29 наурызда Алматы қаласында «Еуразиядағы сейсмикалық калибрлеу эксперименттері – кешегі, қазіргі және болашақ» атты халықаралық семинар өтті. Семинарға Армения, Әзірбайжан, Грузия, Қазақстан, Қырғызстан, Моңғолия, Тәжікстан, Украина және АҚШ мамандары қатысты. Мұндай кездесудің бастамашысы және үйлестірушісі көптеген жылдар бойы Орталық Азия мен Кавказ елдерінде әр түрлі жобаларда жұмыс істеген Мичиган мемлекеттік университетінің докторы Кевин Макфи болды. Кездесуді Халықаралық ғылыми-техникалық орталық (ХҒТО) ұйымдастырды. Қатысушылар әр елдің калибрлеу эксперименттерін жүргізудегі тәжірибесі, осы деректерді сейсмологиялық мақсатта пайдалану туралы презентациялар жасады.

Өз жұмыстарын жүргізу үшін сейсмологтар көптеген сейсмикалық станциялар мен желілердің деректерін жинап, өңдейтіні атап өтілді. Нәтижелердің сапасы жиналған деректерді дәл өңдеу қабілетіне байланысты, яғни сейсмикалық оқиға көзінің параметрлерін – жер сілкінісі немесе жарылыс ошағының орналасқан жерін, оның магнитудасын немесе қуатын жоғары дәлдікпен бағалау болып табылады. Мұның барлығы біздің сейсмикалық желілерімізді мұқият калибрлеуді қажет етеді. Бір сейсмикалық желіні калибрлеу үшін, әдетте, көрші аймақтардан алынған мәліметтер қажет. Семинарға қатысушы сейсмологтардың халықаралық тобы еліміздің сейсмикалық желілерін жүргізу мен калибрлеуде бірлескен күш-жігер мен ынтымақтастық қажеттілігін білдірді. Жаңа калибрлеу жарылыстарын жүргізуге ғана емес, сонымен қатар ядролық, химиялық жарылыстардың мұрағаттық жазбалары бойынша тарихи ақпаратты пайдалануға, сондай-ақ карьерлік жарылыстар мен анықтамалық жер сілкіністерінің деректерін талдауға негізделген зерттеу бағыттары талқыланды.

ҚР Ұлттық ядролық орталығының геофизикалық зерттеулер Институтындағы деректер Орталығының директоры, физика-математика ғылымының докторы Михайлова Наталья Николаевна «1997-2000 жылдары бұрынғы Семей сынақ полигонындағы калибрлеу химиялық жарылыстарының деректерін кешенді талдауы» тақырыбына Қазақстанның атынан баяндама жасады.