24 тамыз бен 4 қыркүйек аралығында Вена қаласында (Австрия) Б 67 жұмыс тобының (Working Group B 67 (WGB)) кезекті сессиясы өтті.
Техникалық сарапшыларды қолдау бағдарламасына (TESP) қатысушылар қатарынан В тобының (WGB-67) отырысына қатысқан 17 сарапшы алғашқы пленарлық, сарапшылар топтарының отырыстарына және техникалық пікірталастарға қатысты; Вена қаласындағы #ЯСЖТШҰ мониторинг объектілеріне барды және Жұмыс тобы төрағасының міндетін атқарушы профессор Ласло Эверспен кездесті. Олардың қатысуы #ЯСЖТШ тексеру жүйесін қолдайтын техникалық сараптаманы нығайтуға ықпал етеді.
2 қыркүйекте Ядролық сынақтарға қарсы халықаралық іс-қимыл күніне (International Day Against Nuclear Tests) орай Вена қаласында Қазақстан Республикасының Тұрақты өкілдігі мен Біріккен Ұлттар Ұйымының Қарусыздану мәселелері жөніндегі басқармасы бірлесіп ұйымдастырған ресми іс-шара өтті.
ЯСЖТШҰ Атқарушы хатшысы доктор Роб Флойд әрбір ұрпақ өзінен бұрынғы буынның еңбегіне сүйене отырып, оны жалғастыруы үшін #ЯСЖТШ-ның маңызды рөл атқаратынын атап өтті. Атқарушы хатшы сондай-ақ # ЯСЖТШҰ тексеру жүйесінің негізін қамтамасыз етіп отырған мамандарға алғыс білдіріп, олардың еңбегі мен тәжірибесі ядролық сынақ жарылыстарынан азат әлем құру үшін аса маңызды екенін атап өтті.
Іс-шара барысында ЯСЖТШҰ Атқарушы хатшысы доктор Роберт Флойд, БҰҰ-ның Қарусыздану мәселелері жөніндегі басқармасының басшысы Ребекка Йовин ханым және Қазақстан Республикасының өкілі Ержан Қуатбеков мырза сөз сөйледі.
ЯСЖТШ-ның сақталуын мониторингтеуді жүзеге асыратын жаһандық қоғамдастық атынан мына өкілдер сөз сөйледі:
- Қазақстанның Ұлттық деректер орталығынан — Абылай Узбеков;
- Боливияның Ұлттық деректер орталығынан — Гонсало Фернандес;
- ЯСЖТШ тәлімгерлік Бағдарламасының атынан — Қытай Халық Республикасының өкілі Шуан Фэн ханым.
Іс-шара соңында қатысушылар жалпы фотосуретке түсті. Қазақстан Республикасының Өкілдігі тарапынан фуршет ұйымдастырылды.
